ومن أشعارى   ( من قبل 1 أعضاء ) قيّم
وهذه قصيدة( البطل ).......كتب التاريخ جوه عيونه صفحات كتيرة من الزمن .....وصفحة وحيدة على جفونه مكتوبة بدموع الشجن ......مكتوب عليها إن الميزان جه فى يوم وانكسر .....وقف على بيتى سجان قلبه قوى زى الحجر...قاللى اهيه دستة تهم متوزعة بعدد الشجر ...وكل التهم جت م العدم ....أتريه لعب بيا وغدر ...قاللى على كل اتهام ....فيه نفى لبلاد المجر ...لكن إنت محكوم بالاعدام ...وهتتعدم وقت السحر ...قلت أنا ..بطل ولا يمكن أبقى غير بطل ...ضحك وقال كله كلام ...وبعد يومين هنقول سلام .....وفاتت علينا الأيام ...ووقفت اهه على المشنقة ...ورقبتى اهه متخنقة... شَعره وقف قام اتهبل ..قاللى صحيح زى الجبل ...قلت أنا ..أنا بطل ..ولا يمكن أبقى غير بطل... ولا يمكن أبقى غير بطل ...ولا يمكن أبقى غير بطل ......وهذه قصيدة (أنا فلسطينى ).....أنا فلسطينى ..كبرونى قبل أوانى ...قتلو ا ابويا ...وقتلوا اخوانى ...هيقتلونى أنا مش خايف ....هيغتالونى برده دا هايف ...هاعلن حرب ..وارمى حجارتى ...ومسدسى ومعاه طيارتى ....طيارتى بس دى لعبة ...واحنا فى غابة ...فيها مدفع ويا الدبابة ...الله معانا وراح ينصرنا ولو نستشهد هيجيب غيرنا ...لإن دى أرضى وأرض جدودى ...وانتو احتليتوا بيتى وحدودى ....ولا يمكن افكر ابعد عنها ....مهما يفرقوا بينى وبينها ....هاجى فى يوم واطردكم منها ...مهما يقولوا ....يقولوا مقاومة ...يقولوا إرهاب ...احنا أعداء مش احباب ....وادى تاريخكم لو نسيين.. ضحايا لبنان وفلسطين ....الله معانا واحسن منكم .....انتم سيبنا وظلَمنا ..ياريت ترجعوا تانى لدينكم ...علشان الله راح ينصرنا ......................قصيدة (بغداد.)...........بغداد ما تزعليش...لازم فى يوم هنعيش ...وطيورنا مسيرها تكبر ....ويطلع ليها ريش ...بغداد ...داوى جروحك ....دى روحى هى روحك ...وبإذن الله هنوصل ...لأحلامى وطموحك .....بغداد ضمى ولادك ....يتلموا ساعة ميعادك ...وبكره بعد انتصارنا ...يحتفلوا بعيد ميلادك ...بغداد شمسك قريبه ...بجهادك ياحبيبه ...وبصبرك وبإيمانك ..راح ترجعلك الهيبه ..بغداد يا أم الإراده ...يا أم النور والعباده ....حبك بيجرى فى دمى ...وفرحك هو السعاده ...........بغداد ..وهذه قصيدة( قومى ياثورة )---قومى يا ثورة... فكى الحصار عن أرضنا.... فكى الحصار ...دى بلدنا تاهت مننا بعد الدمار ...وبطلنا واقف ع الجبل يشعلها نار ...قومى ياثورة ...حددى مصير بلادك ...دا إنت النهاردة زرعنا وبكره حصادك ...وبلاش تغيبى عننا إن تعبت ولادك ...قولى يا ثورة ...ع الشط ..رافع شعبنا راية انتصارى ....بعد ما شفطوا دمنا فى مركب حضارى ....قالوا عليا إرهاب أنا حتى فى دارى ....لكن لايمكن انهم ياكلوا ثمارى ...قومى يا ثورة .......قصيدة (الحرب)--الله يرحم كل اخواتنا اللى استشهدوا جوه الحرب ...سنوات طوال دمروا حياتنا شمال وجنوب وشرق وغرب .....ياما ماتوا أطفال صغار ...كانوا نايمين جوه فى الدار ...جايز يوم كان يطلع منهم صلا ح الدين وعمر المختار ...الله يرحم كل اخواتنا ...اللى استشهدوا جوه الحرب ...سنوات طوال دمروا حياتنا ...شمال وجنوب وشرق وغرب ....ليه مانكونش الوطن الواحد ...ايد فى ايد بالاتحاد ...ونحارب العدو الجاحد ...وده صحيح يبقى الجهاد ....الله يرحم كل اخواتنا اللى استشهدوا جوه الحرب ...سنوات طوال دمروا حياتنا ...شمال وجنوب وشرق وغرب ...ملعون ابو دى ديكتاتوريه ...بتدمر فى بيوت الناس ...ولايمكن تبقى الحريه ...كل ما تتكلمْ تنداس ..الله يرحم كل اخواتنا اللى استشهدوا جوه الحرب ...سنوات طوال دمروا حياتنا ..شمال وجنوب وشرق وغرب .....وهذا زجل (أخينا ضم ضم).....أخينا ضمضم قاعد مكلضم ....ع القهوه يشرب جوزه وسجاير ......فٌرحتْ ليه...وسألت ايه ...قاللي اسكتي ده أنا كعبي داير....ماشي بدور على طول يوماتي....على وظيفة تناسب حلاتى.....وأهه بدور وأنا لسه حاير......فصِعب عليا م القعدة ديه....ولاقيت عينيه زى الدواير ...فجبت الجرايد ...وربنا رايد ...ألاقيله شغله ..راح لها طاير ...فايجه تانى ...وقاللى يا عينى ...خدوها منى وده لإنى حزين الضماير ....عايزين لى وسطه ...وأنا أخرى بطه ...أكولها وأبكى ...وأعبى دموعى جوه فى شكاير .......وهذه (قصيدة فانوس حارتنا )...فانوس حارتنا شمعته قيده ...وولاد جارتنا مع أختى عايده ....قيدين تملى فانوس حارتنا ...ومسحراتى بطبله كبيره ...وراه عيال بفوانيس كتيره ...وتحت فانوسنا يشعر بفرحه ...وتزداد طبوله أكتر وأكتر ...وأختى عايده وهى رايحه ...مَسكاه فى ايدها فانوسها الاخضر ...وتقوم تغنى مع اولاد جارتنا ....يا حلاوتك يا فانوس حارتنا .......هبة عوض الله | 