ديوان البطل كن أول من يقيّم
مساء الخير يا استاذى العزيز انا ابنتكم هبة عوض الله واكتب هذه المرة باسمى كما طلبتم منى وأرجو ان اكون عند حسن ظنكم بى فإان حسن الظن من الفطن وانا سعيدة جداً بترشيحكم لى لالانضمام ل سراة الوراق وجميع بياناتى مرفقة باسمى بالموقع
واول ما ابدأ ابدأ بديوان البطل
ديوان البطل
1- وطنيات
1- قصيدة البطل
كتب التاريخ جوه عيونه صفحات كتيرة من الزمن
وصفحة وحيدة على جفونه مكتوبة بدموع الشجن
مكتوب عليها إن الميزان جه فى يوم وانكسر
ووقف على بيتى سجان قلبه قوى زى الحجر
قاليى أهى دستة تهم متوزعة بعدد الشجر
وكل التهم جت مالعدم
أتريه لعب بيا وغدر
قاليى على كل إتهام فيه نفى لبلاد المجر
لكن انت محكوم بالاعدام وهتتعدم وقت السحر
قلت أنا بطل ولا يمكن ابقى غير بطل
ضحك وقال كله كلام وبعد يومين هنقول سلالالالالالام
وفاتت علينا الايام
ووقفت أهو على المشنقة ورقبتى أهى متخنقة
شعره وقف قام إتهبل قاليى صحيح زى الجبل
قلت أنا بطل ولا يمكن ابقى غير بطل ولا يمكن ابقى غير بطل
ولا يمكن ابقى غير بطل
2- قومى يا ثورة
قومى ياثورة فكى الحصار عن أرضنا
فكى الحصار
دى بلدنا تاهت مننا بعد الدمار وبطلنا واقف ع الجبل يشعلها نار
قومى يا ثورة حددى مصير بلادك
دا انت النهاردة زرعنا وبكرة حصادك
وبلاش تغيبى عننا ان تعبت ولادك
قولى يا ثورة ع الشط رافع شعبنا راية انتصارى
بعد ما شفطوا دمنا فى مركب حضارى
قالو عليا إرهاب أنا حتى فى دارى
لكن لايمكن إنهم ياكلو ثمارى
قومى يا ثورة
3- الحرب
الله يرحم كل اخواتنا اللى استشهدو جوة الحرب
سنوات طوال دمرو حياتنا شمال وجنوب وشرق وغرب
يا ما ماتو أطفال صغار كانو ناييمن جوة فى الدار
جايز يوم كان يطلع منهم صلاح الدين وعمر المختار
الله يرحم كل اخواتنا اللى استشهدو جوة الحرب
سنوات طوال شمال وجنوب شرق وغرب
ليه ما نكنش الوطن الواحد ايد فى ايد بالإتحاد
ونحارب العدو الجاحد ودة صحيح يبقى الجهاد
اللله يرحم كل اخواتنا اللى استشهدو جوة الحرب
سنوان طوال دمرو حياتنا شمال وجنوب وشرق وغرب
ملعون أبو دى ديكتاتورية بتدمر فى بيوت الناس
ولا يمكن تبقى الحرية كل ما تتكلم تنداس
الله يرحم كل اخواتنا اللى استشهدو جوة الحرب
سنوات طوال دمرو حياتنا شمال وجنوب شرق وغرب ,,,,,
وبكدة ابقى خلصت الوطنيات واكتب لحضرتك زجليات بعنوان
أخينا ضمضم | 
( من قبل 1 أعضاء )